M.A. Marathi

लोकहितार्थ ज्ञानसाधना हे ब्रीद डोळ्यासमोर ठेवून इ.स.१९९९ महाविद्यालयाची स्थापना झाली. महाविद्यालयाच्या स्थापनेपासून आजतागायत मराठी विभाग कार्यरत आहे. उस्मानाबाद परिसरातील मराठी विषयाच्या शिक्षणविषयक गरजा पूर्ण करणे हा मूळ उद्देश केंद्रस्थानी ठेवून विभाग कार्यरत आहे. विभाग नेहमीच वंचित व ग्रामीण विद्यार्थ्यांना दर्जेदार शिक्षण देण्यासाठी अग्रेसर असतो. तथापि , शहरी भागातील विद्यार्थीही कायम विभाकडे आकर्षिले जातात.
मराठी हा अत्यंत मागणी असलेल्या विषयांपैकी एक आहे. सामान्य विद्यार्थ्यांपासून ते या विषयात कारकीर्द करू पाहणारे विद्यार्थी या विषयाकडे आकर्षित होत आलेले आहेत. बहुविध स्तरातील विद्यार्थी सातत्याने या विषयाशी एकरूप होत आहेत. विभागाने देखील विद्यार्थ्यांच्या शैक्षणिक गरजा यशस्वीपणे पूर्ण केल्या आहेत. विभागाने आपल्या समाजाला मानवी मूल्ये प्रदान केल्यामुळे मराठी या विषयाला नेहमीच महत्त्व प्राप्त झाले आहे.
विद्यार्थ्यांना स्पर्धात्मक परीक्षा यूपीएससी, एमपीएससी, राज्य सरकार, विविध माध्यमे यांच्या माध्यमातून रोजगार मिळवून देण्यात मराठी विषय अग्रभागी आहे. विभागाच्या वतीने पदवी आणि पदव्युत्तर या वर्गांच्या विद्यार्थ्यांच्या तासिका आयोजित केल्या जातात. त्याचबरोबर विभागातून विद्यार्थ्यांच्या व्यक्तिमत्व विकासाशी संबंधित उपक्रम राबवले जातात.
विभागातील अध्यापक पात्र आणि अनुभवी आहेत. विभागातील अध्यापकांनी मराठी विषयातील वेगवेगळ्या संशोधन क्षेत्रात विशेष संशोधन केले आहे आणि आजही करत आहेत. विभागातील काही अध्यापकांना पीएच.डी. संशोधन मार्गदर्शक म्हणून मान्यता मिळाली आहे.